Italiyada ahamiyati bo‘yicha ikkinchi o‘rinda turuvchi futbol divizioni – B Seriyaning navbatdagi tur o‘yinlari bo‘lib o‘tdi. «Venesiya» safarda «Spesiya» bilan durang o‘ynadi (2:2), ammo shunga qaramay, yuqori divizionga chiqish masalasini muddatidan oldin hal qildi. Bunga «Monsa»ning «Mantuya»ga imkoniyatni boy bergani (2:3) sabab bo‘ldi.

Chempionat yakunlanishiga bir tur qolganda B Seriya turnir jadvalining kuchli uchligi quyidagicha ko‘rinish olgan: «Venesiya» (79 ochko), «Frozinone» (78 ochko) va «Monsa» (75 ochko).

Ko‘rib turganingizdek, «Venesiya» endi ikkinchi o‘rindan pastga tushib ketmaydi. Bu esa klubni A Seriyaga yo‘llanma olgani bilan tabriklash mumkinligini anglatadi.

«Venesiya» yuqori divizionga birinchi urinishdayoq qaytdi — jamoa o‘tgan yili quyi ligaga tushib ketgan edi.