32 yoshli belgiyalik hujumchi Romelu Lukaku faoliyatini Angliya Premyer-ligasida davom ettirishi mumkin. Bu haqda TEAMtalk nashri xabar bermoqda.
Manbalarga ko‘ra, «Napoli» safida o‘ynayotgan Lukaku A seriyada qolishni istamoqda. Biroq Italiya klublaridan hech biri hujumchiga jiddiy qiziqish bildirmagani sababli, uning vakillari APL jamoalari bilan muzokaralarni boshlagan. Lukaku avval Angliyada «Chelsi», «Vest Bromvich», «Everton» va «Manchester Yunayted» jamoalarida o‘ynagan.
«Napoli» va Lukaku o‘rtasidagi kelishmovchilik futbolchi Belgiya terma jamoasi yig‘inida jarohat olganidan so‘ng yuzaga kelgan. U Italiyaga qaytmasdan, individual dastur asosida tiklanishni ma’qul ko‘rgan. Manbalar ta’kidlashicha, bu holat neapolliklar rahbariyatining noroziligiga sabab bo‘lgan.













