Turkiyaning «Galatasaroy» klubi «Manchester Siti» yarim himoyachisi Bernardu Silva uchun kurashdan voz kechmayapti. Hozirda «shaharliklar» sardorini o‘z safiga qo‘shib olishda «Barselona» asosiy da’vogar hisoblanmoqda, portugaliyalik futbolchining o‘zi ham aynan kataloniyaliklar safiga o‘tishni istaydi.

Diario Sport nashri tarqatgan ma’lumotlarga ko‘ra, «Galatasaroy» yulduz futbolchining fikrini o‘zgartirishga harakat qiladi. Turk klubi unga uch yillik shartnoma taklif qilishga tayyor bo‘lib, unga ko‘ra Silva jami 50 million yevrodan ko‘proq maosh olishi mumkin.

Bernardu Silva joriy mavsum yakunida «Manchester Siti»ni erkin agent sifatida tark etadi. 31 yoshli futbolchiga shuningdek «Yuventus», «Milan» va «Benfika» klublari tomonidan ham qiziqishlar borligi aytilmoqda.

Bugun «Galatasaroy» safarda «Samsunspor»ga qarshi maydonga tushadi. Uchrashuv Toshkent vaqti bilan soat 21:00 da boshlanadi.