Hujumchi Dominik Kalvert-Lyuin «Lids» safiga o‘tganidan afsusda emas. U allaqachon yangi jamoasi tarkibida 12 ta gol urishga muvaffaq bo‘ldi. Dominikning so‘zlariga ko‘ra, u «Lids» ustozi Daniel Farke bilan ajoyib til topishgan.
«Bu men uchun juda muhim. Bu yerga kelayotganimda, aynan u meni shu qadamni tashlashga ishontirgan edi. Men tez fursatda o‘zimni uydagidek his qildim. Uning futbolchilar bilan ishlash va jamoani boshqarish uslubi menga juda yoqadi. Aynan murabbiy joriy mavsumda o‘z imkoniyatlarimdan maksimal darajada foydalanishimga yordam berdi», — deya ingliz hujumchisining so‘zlaridan iqtibos keltirmoqda BBC Sport.
Juma oqshomida Kalvert-Lyuin «Byornli» darvozasini ishg‘ol qildi.
