Ҳужумчи Доминик Калверт-Льюин «Лидс» сафига ўтганидан афсусда эмас. У аллақачон янги жамоаси таркибида 12 та гол уришга муваффақ бўлди. Доминикнинг сўзларига кўра, у «Лидс» устози Даниэль Фарке билан ажойиб тил топишган.
«Бу мен учун жуда муҳим. Бу ерга келаётганимда, айнан у мени шу қадамни ташлашга ишонтирган эди. Мен тез фурсатда ўзимни уйдагидек ҳис қилдим. Унинг футболчилар билан ишлаш ва жамоани бошқариш услуби менга жуда ёқади. Айнан мураббий жорий мавсумда ўз имкониятларимдан максимал даражада фойдаланишимга ёрдам берди», — дея инглиз ҳужумчисининг сўзларидан иқтибос келтирмоқда BBC Sport.
Жума оқшомида Калверт-Льюин «Бёрнли» дарвозасини ишғол қилди.
