«Chelsi» antidoping qoidalarini buzgani uchun diskvalifikasiya qilinsa, CAS (Sport arbitraj sudi) tekshiruvi yakunlanganidan keyin Mixail Mudrik bilan shartnomani bekor qilishi mumkin, deb xabar bermoqda BBC.
Qayd etilishicha, bunday qoidabuzarlik odatda professional futbolchilarning mehnat shartnomasi shartlarini buzish deb hisoblanadi. Shartnoma bekor qilingan taqdirda, London klubi Mudrik transferining moliyaviy hisobotdagi qolgan amortizasiya qiymatini olib tashlashi mumkin, bu esa «Chelsi»ning moliyaviy holatiga ijobiy ta’sir qiladi.
Shu bilan birga, klubda boshqa variant ham bor — futbolchining shartnomasini saqlab qolish. Bunda «Chelsi» kelajakda ukrainalik futbolchini ma’lum bir transfer summasi evaziga sotishi mumkin bo‘ladi, biroq ungacha unga maosh to‘lashda davom etadi.
Shuningdek, londonliklar Mudrikni tarkibda qoldirib, ehtimoliy diskvalifikasiya muddati tugaganidan keyin uni jamoaga qaytarishlari ham mumkin.
