«Челси» антидопинг қоидаларини бузгани учун дисквалификация қилинса, CAS (Спорт арбитраж суди) текшируви якунланганидан кейин Михаил Мудрик билан шартномани бекор қилиши мумкин, деб хабар бермоқда BBC.

Қайд этилишича, бундай қоидабузарлик одатда профессионал футболчиларнинг меҳнат шартномаси шартларини бузиш деб ҳисобланади. Шартнома бекор қилинган тақдирда, Лондон клуби Мудрик трансферининг молиявий ҳисоботдаги қолган амортизация қийматини олиб ташлаши мумкин, бу эса «Челси»нинг молиявий ҳолатига ижобий таъсир қилади.

Шу билан бирга, клубда бошқа вариант ҳам бор — футболчининг шартномасини сақлаб қолиш. Бунда «Челси» келажакда украиналик футболчини маълум бир трансфер суммаси эвазига сотиши мумкин бўлади, бироқ унгача унга маош тўлашда давом этади.

Шунингдек, лондонликлар Мудрикни таркибда қолдириб, эҳтимолий дисквалификация муддати тугаганидан кейин уни жамоага қайтаришлари ҳам мумкин.