Tojikiston poytaxtida dzyudo bo‘yicha "Katta dubulg‘a" musobaqasi start oldi. Musobaqaning kechagi ilk kunida O‘zbekiston terma jamoasi 1 ta kumush medalga sazovor bo‘ldi.
Ushbu medalni -66 kg vazn toifasida kurashgan Azizbek Ortiqov keltirdi. Sportchimiz saralashda Qirg‘iz Respublikasi va Fransiya vakillarini, yarim finalda 2021-yilgi jahon chempioni rossiyalik Yago Abuladzeni mag‘lubiyatga uchratdi. Biroq finalda mezbonlarning birinchi raqamli sportchisi, o‘tgan yilgi jahon chempionatining finalchisi Nurali Emomaliga imkoniyatni boy berdi va kumush medal bilan taqdirlandi.
