«Liverpul» bosh murabbiyi Arne Slot o‘z sha’niga bildirilayotgan tanqidlardan xavotirda emasligini aytdi. Joriy mavsum «qizillar» uchun unchalik muvaffaqiyatli kechmayapti, bu esa niderlandiyalik mutaxassisning jamoa boshqaruvida qolishi maqsadga muvofiqligini shubha ostida qoldirdi.
«Tanqidlar tufayli menda hech qanday muammo tug‘ilmadi — bu ishimni qiyinlashtirmaydi. Haqiqatan ham nima qiyinligini aytaymi — tarkibda shuncha yo‘qotishlar bo‘la turib, har bir o‘yinda g‘alaba qozonishga majbur bo‘lish. Mana shunisi chinakam qiyinchilikdir», — deya jurnalist Fabrisio Romano Slotning so‘zlaridan iqtibos keltirmoqda.
Yakshanba kuni «Liverpul» Premyer-liga doirasida safarda «Manchester Yunayted»ga qarshi bahs olib boradi.
