«Ливерпуль» бош мураббийи Арне Слот ўз шаънига билдирилаётган танқидлардан хавотирда эмаслигини айтди. Жорий мавсум «қизиллар» учун унчалик муваффақиятли кечмаяпти, бу эса нидерландиялик мутахассиснинг жамоа бошқарувида қолиши мақсадга мувофиқлигини шубҳа остида қолдирди.
«Танқидлар туфайли менда ҳеч қандай муаммо туғилмади — бу ишимни қийинлаштирмайди. Ҳақиқатан ҳам нима қийинлигини айтайми — таркибда шунча йўқотишлар бўла туриб, ҳар бир ўйинда ғалаба қозонишга мажбур бўлиш. Мана шуниси чинакам қийинчиликдир», — дея журналист Фабрицио Романо Слотнинг сўзларидан иқтибос келтирмоқда.
Якшанба куни «Ливерпуль» Премьер-лига доирасида сафарда «Манчестер Юнайтед»га қарши баҳс олиб боради.
