«Barselona» bosh murabbiyi Xans-Diter Flik uning jamoasi hali o‘z imkoniyatlarining eng yuqori nuqtasiga chiqqani yo‘q deb hisoblaydi. Kataloniyaliklar shanba kuni «Osasuna»ni mag‘lub etib (2:1), chempionlikni deyarli 100 foizga naqd qilib qo‘yishdi. Agar bugun Madridning «Real» klubi «Espanyol» bilan durang o‘ynasa yoki imkoniyatni boy bersa, «ko‘k-anorranglilar» rasman titulni qo‘lga kiritishadi.

«Bizda fantastik jamoa bor. Ko‘p narsani o‘rgandik va bu menga kelajakka optimizm bilan qarash uchun asos bo‘lyapti. Ammo tarkibimiz yosh, hali ishlaydigan jihatlarimiz yetarli. «Barsa»da hali ochilmagan salohiyat juda katta. Yangi mavsumda yanada kuchliroq bo‘lish uchun astoydil mehnat qilishimiz kerak», – deya Flikning so‘zlarini keltirmoqda Barca Universal nashri.

Kelasi yakshanba, 10 may kuni navbatdagi «el klasiko» bo‘lib o‘tadi.