Himoyachi Endryu Robertson joriy mavsum yakunlanganidan keyin «Liverpul»ni tark etadi. Jurnalist Yag‘iz Sabunjuo‘g‘luning ma’lumotlariga ko‘ra, shotlandiyalik futbolchini o‘z safiga qo‘shib olishga «Fenerbaxche» qiziqish bildirmoqda.
Turkiya klubi 31 yoshli futbolchiga shu yozda erkin agent sifatida qo‘shilishi uchun shartnoma bo‘yicha rasmiy taklif yuborgan.
Endryu Robertson 2017 yilda «Xall Siti»dan 9 million yevro evaziga «Liverpul»ga o‘tgan edi. Uning «qizillar» bilan shartnomasi 2026 yilning 30 iyuniga qadar mo‘ljallangan.
Joriy mavsumda himoyachi barcha turnirlarda 34 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Transfermarkt portali Robertsonning qiymatini 10 million yevroga baholamoqda.
