Yaponiyalik bokschi Naoya Inoue ikkinchi yengil vazn toifasida (55,22 kg gacha) mutlaq jahon chempionligi unvonini himoya qildi. Tokioda bo‘lib o‘tgan jangda u o‘z hamyurti Dzyunto Nakatanini mag‘lubiyatga uchratdi.
To‘qnashuv to‘liq 12 raund davom etdi va uning yakunlariga ko‘ra, hakamlar bir ovozdan g‘alabani Inouega taqdim etishdi.
Yaponiyalik bokschi Butunjahon boks kengashi (WBC), Butunjahon boks tashkiloti (WBO), Xalqaro boks federasiyasi (IBF) va Butunjahon boks assosiasiyasi (WBA) yo‘nalishlari bo‘yicha chempionlik kamarlariga egalik qiladi. 33 yoshli sportchi ushbu vazn toifasida yettinchi bor mutlaq jahon chempioni unvonini muvaffaqiyatli himoya qildi.
Endilikda yaponiyalik bokschining hisobida professional ringda 33 ta g‘alaba bor va u hali biror marta mag‘lub bo‘lmagan. 28 yoshli Nakatani esa faoliyatidagi 32 ta g‘alabadan so‘ng ilk mag‘lubiyatini qabul qilib oldi.
