Matbuotda Kilian Mbappening shov-shuvga sabab bo‘lgan ta’tilini muhokama qilishda davom etishmoqda. Jarohati sabab safdan chiqqan fransuz Sardiniya oroliga yo‘l oldi. Jurnalist Xose Feliks Diasning xabar berishicha, klub forvardning safarga chiqqanidan emas, balki uning kameralar nigohidan chetda qola olmaganidan norozi.

«Real» futbolchiga Italiyaga borishga ruxsat bergan, biroq uning sayohati bu qadar katta ajiotaj keltirib chiqarishini kutmagan edi. Yuz bergan holat jamoadoshlari o‘rtasida tushunmovchilik tug‘dirdi — mish-mishlarga ko‘ra, ular shusiz ham Kilianning o‘zini tutishidan unchalik mamnun emasdilar. Mazkur voqea «Real» va Mbappening nufuziga salbiy ta’sir ko‘rsatadi deb hisoblanmoqda. Ayniqsa, La Ligada chempionlik uchun matematik imkoniyatlarini yo‘qotish arafasida turgan va mavsumni sovrinsiz yakunlashi deyarli aniq bo‘lib qolgan jamoaning hozirgi qiyin holatida bu vaziyat ancha noqulay ko‘rinmoqda.