Yakshanba kuni Milanning «Inter» klubi muddatidan oldin skudettoni qo‘lga kiritdi. Kristian Kivu shogirdlari A Seriyaning 35-turi doirasida «Parma»ni mag‘lub etib, turnir jadvalida ikkinchi o‘rinda borayotgan «Napoli» bilan oradagi farqni 12 ochkoga yetkazdi.
O‘yindan keyingi intervyu chog‘ida jurnalistlar jamoa sardori Lautaro Martinesga o‘tgan yozdagi voqeani — u jamoadoshlarini ochiqchasiga tanqid qilib, ayrimlar «Inter»da o‘ynashni xohlamayapti» deb aytgan janjalli bayonotini eslatishdi.
«O‘sha paytda ko‘nglimdan aynan shu tuyg‘ular o‘tgan edi. Ayrim narsalar menga yoqmadi va buni ochiq aytdim. Mening xarakterim shunaqa. Men hech narsani oldindan tayyorlab qo‘ymagandim. Ammo endi hammasi ortda qoldi — hozir qalbimiz quvonchga to‘la», — dedi argentinalik hujumchi DAZN bilan suhbatda.
Eslatib o‘tamiz, 13 may kuni «Inter» Italiya Kubogida ham zafar quchishi mumkin — finalda jamoa «Lasio»ga qarshi maydonga tushadi.
