Madridning «Real» klubi yarim himoyachisi Orelyen Tchuameni La Liga doirasida «Espanyol»ga qarshi kechgan va g‘alaba bilan yakunlangan o‘yindan (2:0) so‘ng jurnalistlar savollariga javob berdi. Alvaro Arbeloa jamoasiga navbatdagi muvaffaqiyatni Vinisius Juniorning dubli taqdim etdi. 10 may kuni «qaymoqranglilar»ni «Kamp Nou» stadionida «Barselona»ga qarshi bahs kutmoqda.
«Men har bir o‘yinda bor kuchimni berishga va jamoadoshlarimga yordam berishga harakat qilaman. Barchamiz yetakchi sifatida shakllanishimiz lozim. Jamoa bo‘lib yanada kuchayish uchun qo‘limizdan kelgan barcha ishni qilamiz. Bu nafaqat maydondagi, balki uning tashqarisidagi ish jarayonlariga ham tegishli», — deya Tchuamenining so‘zlarini keltirmoqda Madrid Universal.
Madridliklar agar navbatdagi turda «Barsa»ni mag‘lub eta olishmasa, chempionlik uchun mavjud bo‘lgan matematik imkoniyatlaridan butunlay mahrum bo‘lishadi.
