Мадриднинг «Реал» клуби ярим ҳимоячиси Орельен Тчуамени Ла Лига доирасида «Эспаньол»га қарши кечган ва ғалаба билан якунланган ўйиндан (2:0) сўнг журналистлар саволларига жавоб берди. Альваро Арбелоа жамоасига навбатдаги муваффақиятни Винисиус Жуниорнинг дубли тақдим этди. 10 май куни «қаймоқранглилар»ни «Камп Ноу» стадионида «Барселона»га қарши баҳс кутмоқда.

«Мен ҳар бир ўйинда бор кучимни беришга ва жамоадошларимга ёрдам беришга ҳаракат қиламан. Барчамиз етакчи сифатида шаклланишимиз лозим. Жамоа бўлиб янада кучайиш учун қўлимиздан келган барча ишни қиламиз. Бу нафақат майдондаги, балки унинг ташқарисидаги иш жараёнларига ҳам тегишли», — дея Тчуаменининг сўзларини келтирмоқда Madrid Universal.

Мадридликлар агар навбатдаги турда «Барса»ни мағлуб эта олишмаса, чемпионлик учун мавжуд бўлган математик имкониятларидан бутунлай маҳрум бўлишади.