«Manchester Siti» yarim himoyachi Fil Foden bilan shartnomani uzaytirish niyatida. Amaldagi kelishuv 2027 yilda o‘z nihoyasiga yetadi, biroq «shaharliklar» rahbariyati o‘z akademiyasining yulduz tarbiyalanuvchisi bilan hamkorlikni davom ettirishga qat’iy qaror qilgan.

Jurnalist Pol Xyorstning ma’lumotlariga ko‘ra, tomonlar yangi mehnat shartnomasi bo‘yicha dastlabki muzokaralarni boshlashgan. Klub so‘nggi yillarda biroz pasayishni boshdan kechirayotgan futbolchini to‘liq qo‘llab-quvvatlamoqda.

Fil Foden joriy mavsumda Xosep Gvardiola jamoasi safida 45 ta o‘yinda maydonga tushib, o‘z hisobiga 10 ta gol va 5 ta golli uzatmani yozdirib qo‘ydi. May oyi oxirida angliyalik futbolchi 26 yoshni qarshi oladi.