Milanning «Inter» klubi sport direktori Pyero Auzilio Kristian Kivu qo‘l ostida jamoa muvaffaqiyat qozonishiga shubha qilmaganini ta’kidladi.

«Neradzurrilar» o‘tgan mavsum finishida muvaffaqiyatsizlikka uchrab, barcha sovrinlardan mahrum bo‘lgan edi. Chempionlar ligasi finalida «PSJ»dan qabul qilingan 0:5 hisobidagi mag‘lubiyatdan so‘ng, Simone Indzagi bosh murabbiylik lavozimini tark etgandi. Yangi tayinlangan Kristian Kivu esa ilk urinishdayoq jamoani A Seriya chempionligiga yetaklab keldi.

«Biz boshidanoq mavsum muvaffaqiyatli o‘tishiga shubha qilmagandik, chunki jamoamiz yuksak mahoratga va kuchli irodaga ega. Ko‘pchilik «PSJ»dan qabul qilingan 0:5 hisobidagi mag‘lubiyatdan so‘ng buni tezda unutib qo‘ydi va bizni bevaqt hisobdan chiqardi. Kivu — ajoyib murabbiy. Ko‘pchilik ikkilangan edi, lekin biz unga ishondik», — dedi Auzilio QSVS nashriga bergan intervyusida.

«Inter» chempionat yakuniga uch tur qolganda «Parma»ni mag‘lub etib (2:0), skudettoni naqd qildi.