Madridning «Real» klubi hujumchisi Vinisius Junior noyob natijani qayd etdi. Braziliyalik futbolchi joriy mavsumdagi gollari sonini 20 tadan oshirib oldi: u «Espanyol» darvozasiga ikkita to‘p kiritdi va endilikda uning hisobida mavsum davomida o‘tkazilgan 50 ta uchrashuvda 21 ta gol mavjud.
Madrid Zone xabariga ko‘ra, Vinisius «Real» tarixida ketma-ket besh va undan ortiq mavsumda 20 tadan ko‘p gol urgan sakkizinchi futbolchiga aylandi. Bungacha bunday natijani Krishtianu Ronaldu, Karim Benzema, Raul Gonsales, Ugo Sanches, Ferens Pushkash, Alfredo di Stefano va Painyo qayd etgan edi.
Vinisius 2018 yildan buyon «qirollik klubi» sharafini himoya qilib kelmoqda. Umumiy hisobda futbolchi «qaymoqranglilar» safida 372 ta o‘yinda maydonga tushib, 127 ta gol va 100 ta golli uzatmani o‘z hisobiga yozdirib qo‘ygan.
