Milanning «Inter» klubi A Seriya 35-turi doirasida «Parma»ni mag‘lub etib (2:0), muddatidan oldin skudettoni qo‘lga kiritdi. «Neradzurrilar» o‘tgan yozda Simone Indzagining o‘rnini egallagan murabbiy Kristian Kivu boshqaruvidagi ilk mavsumdayoq chempionlikka erishdi.

«Kivu jamoaga yangi energiya va ishtiyoq olib kirdi, — deydi sardor Lautaro Martines. — Biz Indzagi bilan ajoyib to‘rt yilni o‘tkazdik, biroq, ehtimol, bizga muhitni o‘zgartirish kerak bo‘lgandir. Kristian Chempionlar ligasi finalidagi mag‘lubiyatdan so‘ng keldi va bizni energiya bilan to‘yintirdi. U barchamizga o‘yindan zavq olish hissini qaytardi, bu hatto mashg‘ulotlarda ham sezilib turdi», — deya ta’kidladi argentinalik hujumchi DAZN bilan suhbatda.

«Inter» mavsum yakunlanishiga uch tur qolganda «Napoli»dan 12 ochkoga o‘zib ketdi va chempionlikni naqd qildi.