Миланнинг «Интер» клуби А Серия 35-тури доирасида «Парма»ни мағлуб этиб (2:0), муддатидан олдин скудеттони қўлга киритди. «Нерадзуррилар» ўтган ёзда Симоне Индзагининг ўрнини эгаллаган мураббий Кристиан Киву бошқарувидаги илк мавсумдаёқ чемпионликка эришди.
«Киву жамоага янги энергия ва иштиёқ олиб кирди, — дейди сардор Лаутаро Мартинес. — Биз Индзаги билан ажойиб тўрт йилни ўтказдик, бироқ, эҳтимол, бизга муҳитни ўзгартириш керак бўлгандир. Кристиан Чемпионлар лигаси финалидаги мағлубиятдан сўнг келди ва бизни энергия билан тўйинтирди. У барчамизга ўйиндан завқ олиш ҳиссини қайтарди, бу ҳатто машғулотларда ҳам сезилиб турди», — дея таъкидлади аргентиналик ҳужумчи DAZN билан суҳбатда.
«Интер» мавсум якунланишига уч тур қолганда «Наполи»дан 12 очкога ўзиб кетди ва чемпионликни нақд қилди.
