Ibrahimovichlar sulolasi «Milan» bilan hamkorlikning shonli tarixiga yana bir yangi sahifa yozdi. Zlatan Ibrahimovichning yana bir o‘g‘li — Vinsent o‘tgan shanba kuni «Monsa»dagi tengqurlariga qarshi bahsda klubning ikkinchi tarkibida debyut qildi.
U maydonda roppa-rosa bir soat harakat qildi. Vinsent yarim himoya chizig‘ida o‘ynaydi va shu sababli to‘p bilan faol muomalada bo‘ladi. 17 yoshli futbolchining to‘pga bo‘lgan mehri uni diqqat bilan kuzatib turgan skautlar va ekspertlar nigohidan chetda qolmadi. Ular yosh futbolchining debyutiga ijobiy baho berishdi.
