Ибраҳимовичлар сулоласи «Милан» билан ҳамкорликнинг шонли тарихига яна бир янги саҳифа ёзди. Златан Ибраҳимовичнинг яна бир ўғли — Винсент ўтган шанба куни «Монца»даги тенгқурларига қарши баҳсда клубнинг иккинчи таркибида дебют қилди.
У майдонда роппа-роса бир соат ҳаракат қилди. Винсент ярим ҳимоя чизиғида ўйнайди ва шу сабабли тўп билан фаол муомалада бўлади. 17 ёшли футболчининг тўпга бўлган меҳри уни диққат билан кузатиб турган скаутлар ва экспертлар нигоҳидан четда қолмади. Улар ёш футболчининг дебютига ижобий баҳо беришди.
