«Manchester Yunayted» rahbariyati jamoa bosh murabbiyi Maykl Kerrik bilan shartnomani uzaytirish fikriga kelmoqda. Bu haqda MatchDay Central nashri xabar bermoqda.

Manbaning ta’kidlashicha, direktorlar kengashi Kerrikka to‘liq ishonadi va unga imkoniyat berishga tayyor. Klubda uni kuchli taktik va kirishimli mutaxassis deb hisoblashmoqda. Xabarlarga ko‘ra, «qizil iblislar» Kerrikka uzoq muddatli loyiha sifatida qarashi mumkin.

Eslatib o‘tamiz, 44 yoshli murabbiy joriy yilning boshida «Manchester Yunayted» boshqaruvini qo‘lga olgan va mavsum yakuniga qadar qisqa muddatli shartnoma imzolagan edi. Ingliz mutaxassisi qo‘l ostida jamoa 2023 yildan beri ilk bor Chempionlar ligasi yo‘llanmasini muddatidan oldin naqd qildi.