«Real Madrid»ning sobiq bosh murabbiyi Fabio Kapello braziliyalik Ronaldoning Madrid klubidagi faoliyati davomida professionallik darajasi yetarli bo‘lmagani haqida gapirib berdi.
Ronaldo 2002 yildan 2007 yilgacha «Real» sharafini himoya qilgan.
«Ronaldo Madridga kelganida undan: "Jahon chempionatida g‘olib chiqqaningda vazning qancha edi?" deb so‘radim. U: "84 kilogramm", deb javob berdi. "Hozir-chi?" desam, "94", dedi. U yomon o‘rnak ko‘rsatardi. Keraklicha mashq qilmas va jamoadoshlarini ham bunga rag‘batlantirmas edi. Shu sababli prezident bilan u bilan xayrlashishga qaror qildik.
Berluskoni menga qo‘ng‘iroq qilib: "Ronaldoning ishlari qalay?" deb so‘radi. Men esa: "Prezident, u yaxshi futbolchi. Lekin noto‘g‘ri o‘rnak bo‘lyapti, doimiy ravishda bazmlarga boradi, vazn to‘plagan. U faqat ayollar haqida o‘ylaydi", deb javob berdim. Ertasi kuni esa Gazzetta nashrida: "Ronaldo «Milan»ga o‘tmoqda", degan xabar chiqdi», — dedi Kapello.
