«Real» darvozaboni Tibo Kurtua «el-klasiko»da maydonga tushishi mumkin.
Jurnalist Melchor Ruisning xabar berishicha, son jarohati sababli mart oyidan beri o‘yinlarni o‘tkazib yuborayotgan belgiyalik posbon bugungi mashg‘ulotni to‘liq asosiy guruhda o‘tkazdi. Kurtua La Liganing 35-turi doirasida kelayotgan yakshanba kuni «Barselona»ga qarshi bo‘lib o‘tadigan bahsga tayyor bo‘lishi kutilmoqda.
Son orqa mushagidagi jarohatidan tiklanishda davom etayotgan Kilian Mbappening «klasiko»dagi ishtiroki esa hozircha so‘roq ostida, biroq u o‘yinni o‘tkazib yuborishi ham hali aniq emas. «Real» hujumchining holati bo‘yicha yakuniy qarorni chorshanba kungi qo‘shimcha tibbiy ko‘rik xulosalaridan so‘ng qabul qilishi kutilmoqda.
