«Реал» дарвозабони Тибо Куртуа «эл-класико»да майдонга тушиши мумкин.
Журналист Мельчор Руиснинг хабар беришича, сон жароҳати сабабли март ойидан бери ўйинларни ўтказиб юбораётган бельгиялик посбон бугунги машғулотни тўлиқ асосий гуруҳда ўтказди. Куртуа Ла Лиганинг 35-тури доирасида келаётган якшанба куни «Барселона»га қарши бўлиб ўтадиган баҳсга тайёр бўлиши кутилмоқда.
Сон орқа мушагидаги жароҳатидан тикланишда давом этаётган Килиан Мбаппенинг «класико»даги иштироки эса ҳозирча сўроқ остида, бироқ у ўйинни ўтказиб юбориши ҳам ҳали аниқ эмас. «Реал» ҳужумчининг ҳолати бўйича якуний қарорни чоршанба кунги қўшимча тиббий кўрик хулосаларидан сўнг қабул қилиши кутилмоқда.
