«Manchester Yunayted» yarim himoyachisi Brunu Fernandesh «Galatasaroy» qiziqishlari doirasida bo‘lib turibdi.

Jurnalist Florian Plettenbergning xabar berishicha, Turkiya klubi shu yozda amalga oshiriladigan transferlar orqali yana o‘z so‘zini aytishni istamoqda. Klub e’tibor markazida «o‘nlik» va «oltilik» pozisiyalari turibdi.

«Galatasaroy» o‘tgan transfer oynasida ham Fernandeshga qiziqish bildirgan edi — u hali ham klubning asosiy maqsadlaridan biri bo‘lib qolmoqda. Turkiyaliklar portugaliyalik futbolchining vakillari bilan qayta bog‘lanmoqchi, biroq bu transferning amalga oshish imkoniyatini yuqori baholashmayapti. Chunki Brunu «MYU» safida Chempionlar ligasida ishtirok etish imkoniyatiga ega.

Ma’lumot uchun, joriy mavsumda Brunu APLda 32 ta o‘yin o‘tkazib, 8 ta gol urdi va 19 ta golli uzatmani amalga oshirdi.