«Манчестер Юнайтед» ярим ҳимоячиси Бруну Фернандеш «Галатасарой» қизиқишлари доирасида бўлиб турибди.

Журналист Флориан Плеттенбергнинг хабар беришича, Туркия клуби шу ёзда амалга ошириладиган трансферлар орқали яна ўз сўзини айтишни истамоқда. Клуб эътибор марказида «ўнлик» ва «олтилик» позициялари турибди.

«Галатасарой» ўтган трансфер ойнасида ҳам Фернандешга қизиқиш билдирган эди — у ҳали ҳам клубнинг асосий мақсадларидан бири бўлиб қолмоқда. Туркияликлар португалиялик футболчининг вакиллари билан қайта боғланмоқчи, бироқ бу трансфернинг амалга ошиш имкониятини юқори баҳолашмаяпти. Чунки Бруну «МЮ» сафида Чемпионлар лигасида иштирок этиш имкониятига эга.

Маълумот учун, жорий мавсумда Бруну АПЛда 32 та ўйин ўтказиб, 8 та гол урди ва 19 та голли узатмани амалга оширди.