«Vest Xem»ning 21 yoshli markaziy yarim himoyachisi Mateush Fernandesh «Manchester Yunayted» e’tiboriga tushdi.
Agar London klubi APLdan tushib ketadigan bo‘lsa, portugaliyalik futbolchi jamoani tark etishi kutilmoqda. Shu bilan birga, «Vest Xem» rahbariyati futbolchini tarkibda saqlab qolish istagida.
The Telegraph nashrining xabar berishicha, mankunianliklar joriy mavsum davomida yarim himoyachining o‘yinlarini diqqat bilan kuzatib borishgan. Ayniqsa, so‘nggi haftalarda Fernandeshning o‘yinini o‘rganish jarayoni yanada faollashgan.
Ma’lumot uchun, ushbu mavsumda yarim himoyachi APLning 33 ta o‘yinida maydonga tushib, 3 ta gol va 3 ta golli uzatmani amalga oshirdi. U 2025 yilda 44 million yevro evaziga «Sautgempton»dan «Vest Xem»ga ko‘chib o‘tgan edi.













