Bugun, 5 may kuni UYEFA Chempionlar ligasi 1/2 finali doirasida «Arsenal» va «Atletiko» jamoalari o‘rtasida javob uchrashuvi bo‘lib o‘tadi. Futbol ishqibozlari kutayotgan mazkur bahs Toshkent vaqti bilan tungi soat 00:00 da boshlanadi. Eslatib o‘tamiz, dastlabki o‘yinda 1:1 hisobidagi durang qayd etilgan edi.

Ekspertlarning fikriga ko‘ra, bo‘lajak uchrashuvda «Arsenal» favorit hisoblanadi. Ingliz klubining g‘alabasi 60,9%, «Atletiko»ning muvaffaqiyati 16,5%, durang esa 22,6% ehtimollik bilan baholanmoqda.

Umumiy natijaga ko‘ra, «Arsenal»ning finalga chiqish imkoniyati 73,5%, «Atletiko»da esa 26,5% ni tashkil etmoqda.