«Uotford» klubining sobiq hujumchisi Troy Dini APL doirasidagi «Manchester Yunayted» va «Liverpul» (3:2) uchrashuvidan so‘ng Kobbi Maynuni hafta ramziy jamoasiga kiritdi va uning o‘yinini alohida e’tirof etdi.
«Maynuning mavsum boshidagi va hozirgi o‘yini o‘rtasida juda katta farq bor. Bu mehr va e’tibor nimalarga qodirligini ko‘rsatib turibdi.
Aytishim mumkin bo‘lsa, «Liverpul»ga qarshi bahs Maynu uchun «Manchester Yunayted» libosidagi eng yaxshi o‘yin bo‘ldi. U maydonda hukmronlik qildi: muhim to‘p olib qo‘yishlarni amalga oshirdi, oldinga paslar berdi, raqib hujumlarini buzdi va gol urdi. Uning ijrosida mukammal o‘yin guvohi bo‘ldik. Menimcha, u shunchaki ajoyib harakat qildi», — dedi Troy Dini.
Ma’lumot uchun, Kobbi Maynu joriy mavsumda APLning 25 ta o‘yinida maydonga tushib, 1 ta gol va 2 ta golli uzatmani amalga oshirdi.
