«Arsenal» hujumchisi Bukayo Saka Chempionlar ligasi yarim finalining javob uchrashuvida «Atletiko» ustidan qozonilgan g‘alaba (1:0) haqida o‘z fikrlarini bildirdi. U ushbu bahsdagi yagona gol muallifiga aylandi.
«Bu juda ajoyib — bu g‘alaba biz uchun qanchalik muhimligini ko‘rishingiz mumkin. Hamma juda baxtli. Bu yuqori kuchlanishli o‘yin bo‘ldi. U har ikki jamoa uchun juda katta ahamiyatga ega edi — biz bunday vaziyatda yaxshi harakat qilib, finalga chiqishga muvaffaq bo‘ldik, shu bois xursandmiz. Finalga chiqish? Bu ajoyib hikoya va u Budapeshtda muvaffaqiyatli yakunlanishiga umid qilaman», — deya Sakaning so‘zlarini keltiradi UEFA rasmiy sayti.
