«Арсенал» ҳужумчиси Букайо Сака Чемпионлар лигаси ярим финалининг жавоб учрашувида «Атлетико» устидан қозонилган ғалаба (1:0) ҳақида ўз фикрларини билдирди. У ушбу баҳсдаги ягона гол муаллифига айланди.
«Бу жуда ажойиб — бу ғалаба биз учун қанчалик муҳимлигини кўришингиз мумкин. Ҳамма жуда бахтли. Бу юқори кучланишли ўйин бўлди. У ҳар икки жамоа учун жуда катта аҳамиятга эга эди — биз бундай вазиятда яхши ҳаракат қилиб, финалга чиқишга муваффақ бўлдик, шу боис хурсандмиз. Финалга чиқиш? Бу ажойиб ҳикоя ва у Будапештда муваффақиятли якунланишига умид қиламан», — дея Саканинг сўзларини келтиради УЕФА расмий сайти.
