Milanning «Inter» klubi markaziy himoyachisi Alessandro Bastoni «Barselona» bilan shartnoma imzolashga tayyor. Mundo Deportivo nashrining xabar berishicha, Kataloniya grandi aprel oyidayoq italiyalik futbolchiga besh yillik kelishuv taklif qilgan va o‘yinchi bunga og‘zaki rozilik bergan.
27 yoshli futbolchi faqat «Barsa»ga o‘tishni istamoqda — uni boshqa klublardan kelayotgan variantlar qiziqtirmayapti. Shunga qaramay, «ko‘k-anorranglilar» haligacha «neradzurrilar» bilan transfer bo‘yicha rasmiy muzokaralarni boshlashgani yo‘q.
Transfermarkt portali Alessandro Bastonining bozor qiymatini 70 million yevroga baholamoqda, biroq taxminlarga ko‘ra, ushbu kelishuv «Barselona» uchun arzonroqqa tushishi mumkin.
