Londonning «Arsenal» klubi yarim himoyachisi Deklan Rays jamoaning joriy mavsumdagi o‘sishi haqida gapirib, bosh murabbiy Mikel Artetaning rolini alohida ta’kidlab o‘tdi.
«So‘nggi yillarda chempionatda ko‘plab alamli mag‘lubiyatlar, kubok musobaqalaridan chiqib ketishlar bo‘ldi va bularning barchasi odamga og‘ir botadi. Ammo murabbiy vaziyatni to‘liq nazorat qildi, biz jamoa qurishda va rivojlanishda davom etdik. Biz ham ushbu turnirda, ham Premyer-ligada bir-birimizni oldinga undadik. Mavsum tugashiga bir oy qolganda biz ajoyib pozisiyadamiz», — deya Deklan Raysning so‘zlarini keltiradi UEFA rasmiy sayti.
Eslatib o‘tamiz, yarim finalning javob uchrashuvida «to‘pchilar» Madridning «Atletiko» jamoasini 1:0 hisobida mag‘lub etishdi. Endi «Arsenal» finalda «Bavariya» — «PSJ» juftligi g‘olibi bilan kuch sinashadi.
