«Liverpul» darvozaboni Alisson Beker Italiyaga qaytishga yaqin turibdi. Insayder Nikolo Skiraning ma’lumotlariga ko‘ra, braziliyalik golkiper «Yuventus» bilan 2029 yil yozigacha mo‘ljallangan shaxsiy shartnoma shartlarini kelishib olgan. Uning Turin klubidagi maoshi mavsumga besh million yevroni tashkil qiladi.

Endi «Yuventus» Alissonning transferi borasida «Liverpul» bilan kelishish ustida ishlamoqda. «Qizillar» darvozabonni qo‘yib yuborish-yubormaslik borasida hali yakuniy qarorga kelishmagan. Tomonlar muzokaralar olib bormoqda.

Joriy mavsumda Alisson Beker «Liverpul» safida barcha turnirlarda 34 ta o‘yin o‘tkazib, 36 ta gol o‘tkazib yubordi va 13 ta uchrashuvda o‘z darvozasi daxlsizligini saqlab qoldi. Uning ingliz klubi bilan amaldagi shartnomasi 2027 yilning 30 iyuniga qadar mo‘ljallangan