«Real Madrid» hujumchisi Kilian Mbappening holati bo‘yicha yangi tafsilotlar ma’lum bo‘ldi. AS nashrining xabariga ko‘ra, fransiyalik futbolchi tibbiy ko‘rikdan o‘tgan va natijalar ancha optimistik chiqqan.
MRT tekshiruvi tiklanishning yakuniy bosqichida faqat kichik zo‘riqish borligini ko‘rsatgan. Shunga qaramay, Mbappe hali 100 foiz tayyor emas — payshanba kungi mashg‘ulotlarning faqat bir qismini umumiy guruhda o‘tkazib, qolgan vaqtda yakka tartibda ishlagan.
Kutilishicha, Kilian «Barselona»ga qarshi o‘yinni zaxira o‘rindig‘ida boshlaydi. Hozirda «Real» tibbiy shtabi va murabbiylar Mbappe «el-Klasiko»da taxminan 30 daqiqa o‘ynashga qodir, deb hisoblashmoqda.
Eslatib o‘tamiz, «Barselona» va «Real» o‘rtasidagi bahs 10 may kuni «Kamp Nou»da bo‘lib o‘tadi
