Himoyachi Ferlan Mendining jarohati kutilganidan ancha jiddiy bo‘lib chiqdi. Ommaviy axborot vositalarida fransiyalik futbolchi bir yilgacha maydonga tusha olmasligi haqida xabarlar tarqalgan edi.

Jurnalist Ramon Alvares de Monning ijtimoiy tarmoqlarda yozishicha, Mendi tashxis va tiklanish jarayonini bilganidan so‘ng, faoliyatini butunlay yakunlash haqida o‘ylamoqda.

Shuni ta’kidlash kerakki, Ferlan Mendining faoliyati tez-tez takrorlanuvchi jarohatlar tufayli qiyin kechmoqda. Faqatgina so‘nggi ikki mavsumning o‘zida u «Real»ning 51 ta o‘yinini o‘tkazib yubordi.

Iyun oyida Mendi 31 yoshni qarshi oladi. Uning madridliklar bilan amaldagi shartnomasi 2027/2028 yilgi mavsum oxirigacha belgilangan. Bunday jiddiy jarohat va doimiy tibbiy muammolar futbolchini og‘ir qaror qabul qilishga majbur etmoqda.