Ҳимоячи Ферлан Мендининг жароҳати кутилганидан анча жиддий бўлиб чиқди. Оммавий ахборот воситаларида франциялик футболчи бир йилгача майдонга туша олмаслиги ҳақида хабарлар тарқалган эди.
Журналист Рамон Альварес де Моннинг ижтимоий тармоқларда ёзишича, Менди ташхис ва тикланиш жараёнини билганидан сўнг, фаолиятини бутунлай якунлаш ҳақида ўйламоқда.
Шуни таъкидлаш керакки, Ферлан Мендининг фаолияти тез-тез такрорланувчи жароҳатлар туфайли қийин кечмоқда. Фақатгина сўнгги икки мавсумнинг ўзида у «Реал»нинг 51 та ўйинини ўтказиб юборди.
Июнь ойида Менди 31 ёшни қарши олади. Унинг мадридликлар билан амалдаги шартномаси 2027/2028 йилги мавсум охиригача белгиланган. Бундай жиддий жароҳат ва доимий тиббий муаммолар футболчини оғир қарор қабул қилишга мажбур этмоқдa.
