«Milan» Chempionlar ligasi hududiga kirib olishi kerak, bunga klubning sobiq to‘purari Andrey Shevchenko shubha qilmayapti. Uning so‘zlariga ko‘ra, yuzaga kelgan qiyinchiliklarga qaramay, klub bu vazifani uddalashi lozim.
«Ha, hozir qiyin davr. Men buni ko‘rib turibman. O‘ylashimcha, Modrichning yo‘qotilishi katta muammo bo‘ldi. «Atalanta»ga qarshi o‘yin o‘ta muhim ahamiyatga ega. Mavsum davomida «Milan»ga yordam bergan o‘sha ishtiyoqni qayta topish kerak», — deya Shevchenkoning so‘zlarini pianetamilan.it nashri keltirmoqda.
Eslatib o‘tamiz, hozirda klub Italiya A Seriyasi turnir jadvalida uchinchi o‘rinni egallab turibdi. «Milan» oxirgi marta 2022 yilda Skudettoni qo‘lga kiritgan edi.
