«Arsenal» hujumchisi Itan Nvaneri faoliyatini boshqa klubda davom ettirishi mumkin. CaughtOffside nashri tarqatgan ma’lumotlarga ko‘ra, 19 yoshli futbolchiga Londonning boshqa bir jamoasi — «Chelsi» qiziqish bildirmoqda.

Hozirda hujumchi ijara asosida Fransiyaning «Marsel» klubida to‘p tepmoqda. «Ko‘klar» Yevropadagi eng iqtidorli yosh futbolchilarni kuzatishda davom etmoqda va Nvaneri ularning asosiy nishonlaridan biriga aylangan.

Ma’lumot uchun, Itan Nvaneri «Arsenal» akademiyasi tarbiyalanuvchisi hisoblanadi. Uning «kanonirlar» bilan amaldagi shartnomasi 2030 yilning 30 iyuniga qadar mo‘ljallangan. Joriy mavsumda hujumchi «Arsenal» va «Marsel» safida jami 23 ta o‘yinda maydonga tushib, o‘z hisobiga 3 ta gol va bitta golli uzatma yozdirib qo‘ydi.

Transfermarkt portali futbolchining transfer bahosini 40 million yevroga baholamoqda.