«Manchester Yunayted» bosh murabbiyi Maykl Kerrik Angliya Premyer-ligasining 36-turi doirasida «Sanderlend»ga qarshi kechgan bahs (0:0) natijasiga munosabat bildirdi.

«Ushbu stadionda o‘ynash doimo qiyin, mezbonlar joriy mavsumda o‘z uyida yaxshi statistika qayd etishmoqda. Biz ushbu ochkoni qabul qilamiz, darvozamiz daxlsizligini saqlab qolganimiz esa ijobiy holat. Mavsum davomida ko‘p gol urdik, biroq futbolda shunday o‘yinlar ham uchrab turadi. Bahs yakunida g‘alabani ilib ketishimiz ham mumkin edi. Umuman olganda, natija yomon emas. O‘yinimiz mukammal bo‘lishini kutmagandik, shu bois bu durangga salbiy baho bermaslik lozim», — deya Kerrikning so‘zlarini keltirmoqda VVS.

Shuningdek, mutaxassis jamoa futbolchilari o‘rtasidagi o‘zaro tushunish va maydondagi harakatlardan mamnun ekanini qo‘shimcha qildi.

Ma’lumot uchun, «qizil iblislar» 65 ochko bilan turnir jadvalining 3-pog‘onasini band etib turishibdi. «Manchester Yunayted» navbatdagi uchrashuvini 17 may kuni o‘z maydonida «Nottingem Forest»ga qarshi o‘tkazadi.