«Vulverxempton» klubi yarim himoyachisi Joau Gomes Madridning «Atletiko» jamoasiga o‘tishga yaqin turibdi. Bu haqda Globo Esporte nashri xabar bermoqda.

Manbaning ma’lum qilishicha, ayni damda klublar o‘rtasida muzokaralar olib borilmoqda. 25 yoshli braziliyalik futbolchining transferi Madrid klubi uchun taxminan 45 million yevroga tushishi kutilmoqda.

Ma’lumot uchun, Joau Gomes joriy mavsumda barcha musobaqalarda 39 ta o‘yinda maydonga tushib, o‘z hisobiga 1 ta gol va 3 ta golli uzatma yozdirib qo‘ygan.

Eslatib o‘tamiz, «Vulverxempton» klubi 2025/26 yilgi mavsum yakunlariga ko‘ra Angliya Premyer-ligasini tark etdi. Shu sababli jamoa o‘z yetakchilarini sotib yuborishi kutilmoqda.