«Вулверхэмптон» клуби ярим ҳимоячиси Жоау Гомес Мадриднинг «Атлетико» жамоасига ўтишга яқин турибди. Бу ҳақда Globo Esporte нашри хабар бермоқда.

Манбанинг маълум қилишича, айни дамда клублар ўртасида музокаралар олиб борилмоқда. 25 ёшли бразилиялик футболчининг трансфери Мадрид клуби учун тахминан 45 миллион еврога тушиши кутилмоқда.

Маълумот учун, Жоау Гомес жорий мавсумда барча мусобақаларда 39 та ўйинда майдонга тушиб, ўз ҳисобига 1 та гол ва 3 та голли узатма ёздириб қўйган.

Эслатиб ўтамиз, «Вулверхэмптон» клуби 2025/26 йилги мавсум якунларига кўра Англия Премьер-лигасини тарк этди. Шу сабабли жамоа ўз етакчиларини сотиб юбориши кутилмоқда.