Myunxenning «Bavariya» klubi himoyachisi Alfonso Devis chap oyoq sonining orqa mushagidan jarohat oldi. Bu haqda klub matbuot xizmati rasmiy ma’lumot berdi.

25 yoshli kanadalik futbolchi Chempionlar ligasi yarim finali doirasidagi «PSJ»ga qarshi javob uchrashuvida (1:1) shikastlangan. Tibbiy ko‘rinib xulosalariga ko‘ra, futbolchi kamida bir necha haftani maydondan tashqarida o‘tkazishga majbur bo‘ladi.

Ma’lumot uchun, Devis joriy mavsumda barcha musobaqalarda 23 ta o‘yinda ishtirok etib, o‘z hisobiga 1 ta gol va 5 ta golli uzatma yozdirib qo‘ygan. Uning Myunxen klubi bilan amaldagi shartnomasi 2030 yilning iyun oyi yakuniga qadar mo‘ljallangan.

Transfermarkt portali futbolchining ayni damdagi bozor qiymatini 45 million yevroga baholamoqda.