«Manchester Siti» bosh murabbiyi Xosep Gvardiola Angliya Premyer-ligasi chempionligi uchun «Arsenal» bilan kechayotgan kurash haqida o‘z fikrlarini bildirib o‘tdi.

Ispaniyalik mutaxassisning ta’kidlashicha, ayni damda vaziyat to‘liq «shaharliklar» nazoratida emas.

«Arsenal» deyarli butun mavsumni turnir jadvali yuqorisida o‘tkazdi va Chempionlar ligasida ham mag‘lubiyatsiz harakat qilmoqda. Hozirgi holatda biz faqat o‘z o‘yinlarimizda g‘alaba qozonishimiz va raqibning ochko yo‘qotishini kutishimiz kerak. Oxirgi 10 ta o‘yinda «Everton»dan tashqari barchani mag‘lub etdik. Biz o‘z ishimizni qilyapmiz va kutishda davom etamiz», — dedi Gvardiola.

Shuningdek, murabbiy turnir jadvalidagi holatni doimiy kuzatib borishini qiziqqonlik bilan qayd etdi:

«Menga turnir jadvaliga qarashning hojati yo‘q, u mening kallamda. Jamoalarning ochkolari, to‘plar nisbati va boshqa barcha jihatlarni yoddan bilaman».