«PSJ» hujumchisi Bredli Barkolya faoliyatini Ispaniya La Ligasida davom ettirishi mumkin. Diario SPORT nashrining xabar berishicha, «Barselona» fransiyalik futbolchini o‘z safiga qo‘shib olishga qiziqmoqda.

Qayd etilishicha, agar kataloniyaliklarning hujum chizig‘i uchun asosiy transfer nishonlari bilan bog‘liq kelishuvlar amalga oshmay qolsa, klub Barkola nomzodini jiddiy ravishda ko‘rib chiqishga tayyor.

Ma’lumot uchun, Bredli Barkola 2023 yilda «Lion»dan «PSJ»ga 45 million yevro evaziga o‘tgan edi. Uning parijliklar bilan amaldagi shartnomasi 2028 yilning 30 iyuniga qadar mo‘ljallangan. Joriy mavsumda hujumchi barcha musobaqalarda 45 ta o‘yinda maydonga tushib, 12 ta gol va 7 ta golli uzatmaga mualliflik qildi.

Transfermarkt portali 23 yoshli futbolchining bozor qiymatini 70 million yevroga baholagan.