«ПСЖ» ҳужумчиси Брэдли Барколя фаолиятини Испания Ла Лигасида давом эттириши мумкин. Diario SPORT нашрининг хабар беришича, «Барселона» франциялик футболчини ўз сафига қўшиб олишга қизиқмоқда.
Қайд этилишича, агар каталонияликларнинг ҳужум чизиғи учун асосий трансфер нишонлари билан боғлиқ келишувлар амалга ошмай қолса, клуб Баркола номзодини жиддий равишда кўриб чиқишга тайёр.
Маълумот учун, Брэдли Баркола 2023 йилда «Лион»дан «ПСЖ»га 45 миллион евро эвазига ўтган эди. Унинг парижликлар билан амалдаги шартномаси 2028 йилнинг 30 июнига қадар мўлжалланган. Жорий мавсумда ҳужумчи барча мусобақаларда 45 та ўйинда майдонга тушиб, 12 та гол ва 7 та голли узатмага муаллифлик қилди.
Transfermarkt портали 23 ёшли футболчининг бозор қийматини 70 миллион еврога баҳолаган.
